Claude nga Anthropic “merr nën kontroll” një qen robotik

Në një eksperiment të quajtur Project Fetch, ekipi i Anthropic provoi lidhjen e modelit të tyre të inteligjencës artificiale, Claude, me një robot‑qen katërkëmbësh, modelin Unitree Go2 Tetë studiues u ndanë në dy grupe: Team Claude, i mbështetur nga AI, dhe Team Claude-less, pa ndihmën e saj. Detyra ishte e thjeshtë, por sfiduese — roboti duhej të gjente dhe të sillte një top plazhi përmes tre fazave: kontroll manual, përdorim të sensorëve dhe autonomi

Rezultatet ishin domethënëse: ekipi me Claude përfundoi më shumë detyra dhe arriti disa prej tyre më shpejt, rreth gjysma e kohës krahasuar me ekipin pa AI Ndërsa Claude shkroi më shumë kod dhe ofroi zgjidhje alternative, ekipi pa AI përballej me sfida në interpretimin e të dhënave nga sensorët dhe lidari, gjë që e ngadalësonte progresin

Eksperimentet treguan gjithashtu se bashkëpunimi midis njeriut dhe AI ulte konfuzionin dhe frustrimin tek studiuesit, duke bërë procesin më të rrjedhshëm dhe të kontrollueshëm, megjithëse autonomia e plotë e robotit nuk u arrit ende — roboti ende kërkonte ndërhyrje njerëzore për t’u rikthyer me topin

Ky projekt ngrenë pyetje të rëndësishme mbi sigurinë dhe etikën, pasi lidhja e modeleve të gjuhës me robotikën mund të hapë mundësi të reja për ndërveprime reale, por edhe për keqpërdorim të mundshëm Anthropic paralajmëron se eksperimenti është vetëm një hap i hershëm drejt një bote ku modelet e inteligjencës artificiale mund të “mishërohen” dhe të ndërveprojnë drejtpërdrejtë me mjedisin fizik