Lamtumirë fjalëkalimeve! WhatsApp prezanton mbrojtjen me passkey për backup-et e mesazheve

WhatsApp ka nisur zbatimin e një përditësimi i cili lejon përdoruesit të mbrojnë kopjet rezervë të mesazheve të tyre – të koduara nga një skenar “end-to-end” – me passkey, në vend të fjalëkalimeve ose çelësave 64-shifrorë që kërkoheshin më parë.
Nga tani, përdoruesit e Android dhe iOS mund të aktivizojnë në “Settings > Chats > Chat backup > End-to-end encrypted backup” opsionin për passkey, që përdor gjurmët e gishtit, njohjen e fytyrës ose kodin e ekranit të pajisjes për t’i dhënë akses kopjes rezervë.

Kjo veçori synon të heqë pengesën që ndalon shumë përdorues të aktivizojnë enkriptimin rezervë – pengesë kjo e përbërë nga nevoja për të ruajtur çelësin ose fjalëkalimin gjatë kalimit midis pajisjeve ose humbjes së telefonit.
Lëvizja është pjesë e një strategjie më të gjerë të WhatsApp-it (një produkt i Meta Platforms) për të pranuar teknologjinë pa fjalëkalim (“passwordless”) dhe për të forcuar privatësinë dhe sigurinë për mbi 3 miliardë përdorues globalë.