OpenAI zgjerohet në BE, do të hapë dy zyra në Bruksel dhe Paris

OpenAI, gjiganti kalifornian i inteligjencës artificiale që zotëron ChatGpt, zgjeron praninë e tij në Evropë me hapjen e dy zyrave të reja në Bruksel dhe Paris.

Degët e reja bashkohen me qendrat tashmë aktive në Londër dhe Dublin, duke sinjalizuar synimin e kompanisë së udhëhequr nga Sam Altman për të forcuar rrjetin e saj në Kontinentin e Vjetër tani që BE-ja përshpejton zbatimin e Aktit të AI, rregullorja e parë detyruese në bota mbi inteligjencën artificiale.

OpenAI ka filluar tashmë të angazhojë lobistë afatgjatë nga Big Tech për të ndërtuar marrëdhënie strategjike me rregullatorët, zyrtarët dhe ligjvënësit në BE.