Qeveria amerikane do t’i kërkojë Google-it të shesë Chrome

Shtetet e Bashkuara do të nxisin një gjyqtar që të detyrojë kompaninë mëmë të Google, Alphabet, të shesë shfletuesin e saj Chrome.

Këtë e raporton Bloomberg.

Departamenti Amerikan i Drejtësisë tha në tetor se do t’i kërkonte Google të bënte ndryshime gjithëpërfshirëse në mënyrën se si funksionon, pasi një vendim historik në gusht zbuloi se gjigandi i teknologjisë operonte një monopol të paligjshëm.

Thirrja për shitjen e Chrome te Google do të shënonte një ndryshim të thellë nga rregullatorët amerikanë, të cilët kryesisht i kanë lënë të qetë gjigantët e teknologjisë që kur nuk arritën të shpërbënin Microsoft-in dy dekada më parë.